Qazaqstan gazyn Qytaıǵa eksporttaýdy bastaý óte mańyzdy oqıǵa - Myńbaev

ASTANA. QazAqparat - Qazaqstan gazyn Qytaıǵa eksporttaýdy bastaý óte mańyzdy oqıǵa. Mundaı pikirdi búgin qazaqstandyq gazdy «Beıneý-Bozoı-Shymkent» magıstraldy gaz qubyrynan «Ortalyq Azııa - Qytaı» transulttyq gaz qubyryna jiberý saltanatty rásiminde «QazMunaıGaz» UK AQ-nyń basqarma tóraǵasy Saýat Myńbaev bildirdi, dep habarlaıdy QazAqparat.

«Búgin Qazaqstannyń gazyn Qytaı Halyq Respýblıkasyna tasymaldaýdyń bastalýy rásimi ótýde. Osy kúnge deıin bizdiń gaz Qytaıǵa jetkizilgen emes.  Túrikmen, ózbek gazyn Qytaı Halyq Respýblıkasyna tranzıttep kelgen bolatynbyz. Ótken jyldyń jeltoqsan aıynda Beıneý-Bozoı-Shymkent gaz qubyry aıaqtalǵannan keıin gazymyzdy Qytaıǵa tasymaldaýǵa múmkinshilik alyp otyrmyz. Osy  úlken jumystardyń barlyǵy Elbasynyń tapsyrmasy bolatyn. Bul tapsyrmalar ýaqytynda atqaryldy», - dedi ol.

Onyń aıtýynsha, aǵymdaǵy jyldyń shilde aıynda Astanaǵa QHR basshysy Sı Tszınpın saparmen kelip, sol kezde Qazaqstan gazyn Qytaıǵa eksporttaý týraly memorandýmǵa qol qoıylǵan.

«Osy jyldyń 30 qyrkúıeginde kelisimshartqa qol qoıylyp, búginnen gaz tapsymaldaý bastaldy. Bul elimiz, ekonomıkamyz úshin óte mańyzdy oqıǵa. Óıtkeni, osy kúnge deıin Qazaqstannyń gazy Reseı arqyly tek qana Eýropaǵa qaraı  tasymaldanatyn. Al ártaraptandyrý jumystary júrgizilgennen keıin qosymsha múmkinshilikter  paıda boldy», - dedi Saýat Myńbaev.

Aıta keteıik, rásimge QR Energetıka mınıstri Qanat Bozymbaev, «QazMunaıGaz» UK» AQ vıtse-prezıdenti Qaırat Sháripbaev, «QazTransGaz» AQ Bas dırektory Rýstam Sýleımanov qatysty.