«Qazaqstan Ǵarysh Sapary» kompanııasy óz ónimin shyǵarýǵa kirisip jatyr (FOTO)

ASTANA. QazAqparat - 2016 jyly «Qazaqstan Ǵarysh Sapary» UK» (QǴS) AQ jobalyq basqarýdan qyzmet etýdiń óndiristik formasyna ótip jatyr, dep málimdedi 2015 jyl boıynsha jumys qorytyndylarynyń eseptik kezdesýinde kompanııa prezıdentiniń m.a. Marat Nurǵojın.

Ótken jyl qazaqstandyq ǵarysh kompanııasy úshin mańyzdy nátıjelermen este qaldy.

M.Nurǵojınniń aıtýynsha, 2015 jyly Qazaqstan men Frantsııa arasyndaǵy úkimetaralyq kelisimderdi ratıfıkatsııalaýdan keıin Jerdi qashyqtyqtan zondtaý ǵarysh júıesin (JQZ ǴJ) qabyldaý júzege asyryldy. Eldiń memlekettik jáne jergilikti organdaryna naqty qyzmetter kórsetildi, JQZ ǴJ-ny paıdalaný úshin bıýdjettik baǵdarlamaǵa qoldaý kórsetildi, ishki naryqqa da, búkil álemge de 14 dıstrıbıýtorlyq kelisim ornatylǵan.

«Eń bastysy, bizdiń mamandar JQZ ǴJ-niń jerdegi segmentimen ózdiginen basqarý jáne ǵarysh apparattaryn paıdalaný boıynsha baǵalanbas tájirıbe aldy», - dep atap ótti kompanııanyń basshysy.

Kompanııanyń tórt jobanyń úsheýin frantsııalyq seriktestermen birge iske asyryp otyrǵanyn esepke alǵanda, jumys barysyna álemdik daǵdarys úlken áser etken. Osyǵan qaramastan, QǴS men ADS-tiń jemisti yntymaqtastyǵy jalǵasýda.

«QǴS» UK» AQ-nyń 2016 jylǵa josparlary qısyndy. Bul bıýdjetten tys ınvestıtsııalardyń aıasynda Ulttyq ǵarysh ortalyǵynyń 2-shi kezegin salý. KazSar radar serigin qurý boıynsha bolashaǵy zor jobalardy jalǵastyrý, «Dnepr» baǵdarlamasyna qatysýdy nyǵaıtý.

2016 jylǵy negizgi mindetter týraly aıta kele, Marat Nurǵojın óndiristik qyzmet, marketıngtiń kúsheıýi jáne qyzmetterdiń usynylýyn esepke ala otyryp, kompanııa JQZT ǴJ qyzmetterinen 2 mlrd. astam teńge kóleminde paıda tabýdy josparlap otyr.