Qazaqstan ǵaryshqa óz ǵaryshkerin ushyrady

<p>Tsıfrlyq damý, ınnovatsııalar jáne aeroǵarysh mınıstri Baǵdat Mýsın Reseımen birlesken joba aıasynda Qazaqstan ǵaryshkerin ashyq ǵaryshqa shyǵarý múmkindigine pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Bizdiń bastamamyz bar. Qazirgi kezeńde zertteý ınstıtýttarymen birge qazaqstandyq zertteýdi birlesip jalǵastyrý múmkindigin pysyqtap jatyrmyz. Olar Halyqaralyq ǵarysh stansasyna arnalǵan 6 baǵdarlama aıasynda zerteýler tizimin jasaýdy jalǵastyryp jatyr. Ǵylymı baǵdarlama iriktelgennen keıin ǵana biz Qazaqstan ǵaryshkerin Halyqaralyq ǵarysh stansasyna jiberý merzimin anyqtap, jan-jaqty mán-jaıyn aıta alamyz», — dedi Baǵdat Mýsın vedomstvoda ótken brıfıngte.

Onyń atap ótýinshe, ǵaryshkerdi ǵaryshqa bekerden beker jibere almaımyz. Ol úshin ǵylymı baǵdarlama qajet.

«Qazirgi ýaqytta birneshe ǵylymı baǵdarlama júrgizilip jatyr. Ol ǵylymı baǵdarlamalar komısııa arqyly iriktep alynady. Baǵdarlama iriktelgennen keın soǵan oraı ǵaryshker tańdalady. Bul jumysty qazir bastaımyz. Búginde naqty merzimin aıta almaımyn. Óıtkeni bári bıýdjettik qarjylandyrýǵa da baılanysty», — dedi mınıstr.

Buǵan deıin birqatar BAQ Qazaqstan men Reseı qazaqstandyq ǵaryshkerdi ǵaryshqa ushyrý múmkindigin talqylap jatqanyn jazǵan edi.