Qazaqstan ǵalymdary qurǵaqshylyqty joıatyn tehnologııany synaqtan ótkizip jatyr

ASTANA. QazAqparat – Álemde 10 jylda bir ret bolǵan qurǵaqshylyq búginde 1,9 esege artyp otyr. Árıne sý tapshylyǵy álemdik ekonomıkaǵa orasan zor shyǵyn ákeletini sózsiz. Bul máselege bizdiń otandyq ǵalymdar da beıjfı qaramaıdy. Óıtkeni sý tapshylyǵy 2030 jylǵa qaraı álemdegi eń kúrdeli máselelerdiń úshtigine qalyp qoıýy múmkin, dep habarlaıdy QazAqparat Ǵylym jáne joǵary bilim mınıstrliginiń baspasóz qyzmetine silteme jasap.

Búginde M.Áýezov atyndaǵy OQÝ-niń ǵalymdary atmosferaǵa teris zarıadty ıondardy jiberip, ashyq aspanǵa býdaq bulttardy jınaýǵa bolatyn tehnologııany usyndy. Nátıjesinde jańbyrdy qajetti mólsherde jaýǵyzyp, klımatty retteýge múmkindik týady.

Qazir sý tapshylyǵy men qurǵaqshylyqty joıatyn ınnovatsııalyq tehnologııa synaqtan ótip jatyr. Mundaı tehnologııalar búginde Iran, Pákistan syndy memleketterdiń shóleıtti aımaǵynda qoldanylyp otyr.

Joba avtorlarynyń aıtýynsha, klımatty ózgertýge arnalǵan tehnologııalyq qondyrǵy álem elderinde synaqtan sátti ótken. Iran, Pákistan syndy memleketterdiń shóleıtti aımaǵynda mundaı tehnologııalar qoldanylyp otyr.

M.Áýezov atyndaǵy OQÝ-niń professory, tehnıka ǵylymdarynyń doktory, QR Memlekettik syılyǵynyń laýreaty Naǵıma Jaqypbekovanyń aıtýynsha, búgingi kúni Armenııa jáne Grýzııa memleketteriniń professor-ǵalymdarymen birlesip, sý kózderin tseolıt qospasymen qaıta óńdeý tehnologııasyn engizý josparlanyp otyr.