Qazaqstan ǵalymdary Bishkektegi altaıstıka konferentsııasyna qatysady

BІShKEK. QazAqparat - Qyrǵyzstanǵa Halyqaralyq altaıstik konfrentsııanyń 61-shi otyrysyna daıyndyq júrgizý aıasynda álemniń túkpir-túkpirinen ǵalymdar keledi, dep habarlaıdy Kabar agenttigi.

Búginde konferentsııaǵa qatysý úshin Frantsııa, Germanııa, AQSh, Reseı Federatsııasy, Qazaqstan, Japonııa, Koreıa elderiniń ókilderi Qyrǵyzstanǵa keldi.

27-30 tamyz aralyǵynda Bishkek qalasy alýan túrli mektepterdiń ǵalymdarynyń ǵylymı jetistikterimen bólisetin alańǵa aınalady. Sondaı-aq, qatysýshylar ózara ártúrli ǵylymı metodologııalarmen jáne ádistermen almasady.

Aıta ketý kerek, kelgen qonaqtardyń arasynda germanııalyq professor Dıter Maýıdiń tanymal mektebi bar. Onyń shákirtteriniń arasynda Frantsııa, Japonııa, Túrkııa elderiniń ókilderi Aleksandr Vovın, Ioshıda Iýtaka, Mehmet Olmezdi atap ketý qajet.

Atalmysh konferentsııa Bishkekte altaıstıkanyń eki mektebiniń ashylýymen erekshe. Alǵash ret 1957 jyly Germanııanyń Maınts qalasynda Altaı halqynyń tilin, mádenıetin, tarıhyn zerttegen ǵalymdar jınalǵan. Bul kezdesý men ondaǵy pikir almasýdyń qyzyqty ári paıdaly bolǵany sonshalyq, kezdesý tórt kúnge sozylǵan. Sol ýaqyttan bastap jyl saıyn kezdesýge sheshim qabyldanyp, 1958 jyldan beri altaıstıka konferentsııasy 60 jyl boıy ótkizilip keledi.

Ekinshi mektepti Japonııa, Koreıa, Túrkııa jáne ózge elderdiń ǵalymdary ashqan.