Qazaqstan ǵalymdary 1,5 mln teńgege deıin jalaqy alady
«Ǵalymdarymyz únemi turaqty jalaqy almaǵandyǵy belgili. Jalaqy konkýrstardyń nátıjesine baılanysty. Ǵalymdardyń ortasha jalaqysy 152 myń teńge boldy. Bul – ekonomıkadaǵy ortasha jalaqynyń tek 72 paıyzy ǵana. Búginde jumys istep, jarııalanymdary shyǵatyn barlyq jetekshi ǵalymnyń jalaqysyn 72 paıyzǵa arttyrdyq. Jetekshi ǵalymdarymyz granttardyń nátıjesine táýeldi bolmaýy úshin irgeli ǵylymdardy bazalyq qarjylandyrý formatyn qaıtardyq. Qazirgi ýaqytta 11 ǵylymı-zertteý ınstıtýty tikeleı qarjylandyrylady», - dedi Saıasat Nurbek vedomstvonyń keńeıtilgen alqa májilisinde.
Mınıstrdiń atap ótýinshe, ǵalymdardyń jalaqysy aıtarlyqtaı ósti.
«Ótken jyldyń qorytyndysyna sáıkes, búginde jalaqy – 257 myń teńge, al eń joǵary jalaqy – 1,5 mln teńge. Ǵylymdy qarjylandyrýdy 3,5 esege arttyrdyq. Eger ǵylymdy qarjylandyrý 2022 jyly 58 mlrd teńge bolsa, bıyl 158,6 mlrd teńgege jetti. 2024 jyly 244 mlrd teńge, 2025 jyly 240 mlrd teńge bolady. Ǵylymdy qarjylandyrý shamamen 800 mlrd teńge bolýy tıis. Osy deńgeıge shyǵý úshin josparymyzda bar», - dedi ol.