Qazaqstan fýtzal quramasy joldastyq kezdesýde Tájikstandy jeńip ketti

<p>ASTANA. KAZINFORM — Fýtzaldan Qazaqstan quramasy Tájikstanmen taǵy bir márte joldastyq kezdesý ótkizdi.</p>

Kezdesý barysynda el quramasynan Arnold Knaýb, Azat Valıýllın, Qanat Jetkırbaev, Dýglas Jýnıor mergendik tanytsa, oǵan tájikstandyq fýtzalshylar úsh golmen jaýap qaıyrdy.

Osylaısha Qazaqstan quramasy qarsylasyn 4:3 esebimen jeńip ketti.

Aıta ketsek, budan buryn el quramasy Tájikistanmen alǵashqy kezdesýinde 3:0 esebimen basym túsken edi.  

Endi qurama 5 qyrkúıekke deıin Astanada jattyǵady. Olardyń 30 tamyz jáne 1 qyrkúıekte Iranǵa qarsy eki joldastyq matchy josparlanǵan. 

Jıynnyń qorytyndy kezeńi Almatyda 6-10 qyrkúıek aralyǵynda bolady. 7 qyrkúıek kúni Qazaqstan quramasy Argentınamen sheberlik baıqasady.

Aıta ketsek, bıyl álem chempıonaty 14 qyrkúıek pen 6 qazan aralyǵynda Ózbekstanda ótedi.

Qazaqstan quramasy Ispanııa, Lıvııa jáne Jańa Zelandııa quramalarymen kezdesedi.