Qazaqstan fýtzal quramasy búgin Nıderlandpen oınaıdy

<p>Fýtzaldan Qazaqstan quramasy búgin, 14 jeltoqsanda Astanada Nıderland quramasymen oınaıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

El quramasy A tobynda synǵa túsip jatyr. Qarsylastary — Rýmynııa, Ázerbaıjan jáne Nıderland.

Qazaqstan men Nıderland kezdesýi elorda ýaqytymen 20:25–de bastalyp, «Qazsport» telearnasynan tikeleı efırde kórsetiledi.

El quramasy buǵan deıin Rýmynııany — 4:3, Nıderlandty 2:0 esebimen jeńgen edi. Sondaı-aq eki márte Ázerbaıjandy 4:2, 3:2 esebimen tize búktirdi.

Aıta ketsek, ekinshi irikteý satysynda qazaqstandyq fýtzalshylar Chernogorııa (7:0, 5:1) men Slovenııany (2:0, 3:3) artta qaldyryp, óz tobynda birinshi oryn aldy.

Tórt týrdan keıin 12 upaı jınaǵan Qazaqstan quramasy kósh basynda keledi.

Odan keıingi oryndaǵy Rýmynııanyń — 7, Ázerbaıjannyń — 3, Nıderlandtyń 1 upaıy bar.

Altynshy týrda 20 qarashada qazaqstandyq fýtzal sheberleri syrt alańda Rýmynııamen sheberlik baıqasady.

Aıta ketsek, el quramasy álem chempıonatynyń fınaldyq satysynda 2000, 2016, 2021 jyldarda synǵa tústi. Olar 2021 jyly 4-orynǵa taban tiredi.

Eske salsaq, budan buryn Qazaqstan quramasynan aldaǵy eki matchta alańǵa kimder shyǵatyny belgili boldy.