Qazaqstan fýtbolynda alǵash ret «Winter Cup» týrnıri ótedi

<p>ASTANA. KAZINFORM - Túrkııanyń Belek qalasynda alǵash ret fýtboldan Qazaqstan klýbtary arasynda &laquo;Winter Cup&raquo; týrnıri ótedi. Oǵan elimizdiń &laquo;Ordabasy&raquo;, &laquo;Tobyl&raquo;, &laquo;Aqtóbe&raquo; jáne &laquo;Elimaı&raquo; klýbtary qatysady.</p>

Bul jóninde Qazaqstan kásipqoı fýtbol lıgasy málim etti.

Jańa maýsym aldyndaǵy týrnır barysynda 100 mıllıon teńge sarapqa salynady. Jarys 17-21 aqpan aralyǵynda Túrkııanyń Belek qalasynda ótedi.

Dop dodasynyń jeńimpaz komanda 60 mln teńgege ıe bolsa, ekinshi oryn alǵan klýb 40 mln teńgege qol jetkizedi.

Jerebe boıynsha birinshi oıynda «Elimaı» men «Ordabasy» sheberlik baıqassa, ekinshi kezdesýde «Tobyl» men «Aqtóbe» jolyǵady. Qos juptyń jeńimpazy fınalda oınaıdy. Jeńilgen ujymdar qola júldeni sarapqa salady. Oıyndar «Tıtanık Delıýks» stadıonynda ótedi.

«Mundaı týrnırlerdi ótkizý Eýropanyń jetekshi lıgalarynda qalypty úrdiske aınalǵan. Oqý-jattyǵý jıyny barysynda fýtbolshylardyń sheberligi ósip, jankúıerlerdiń qyzyǵýshylyǵy artqanyn baıqap otyrmyz», - deıdi Qazaqstan kásipqoı fýtbol lıgasynyń prezıdenti Rafael Garıbıan.

Jartylaı fınaldyq oıyndar 17 aqpan kúni 15:00 jáne 20:00-de ótedi. Al 3-oryn úshin kezdesý 21 aqpan kúni 15:00-ge, al fınaldyq oıyn sol kúni 20:00-ge belgilengen.

Oıyn ýaqyttary Astana ýaqytymen kórsetilgen. Oıyndardy «Qazsport» telearnasy tikeleı efırde kórsetedi.

Eske salsaq, budan buryn halyqaralyq týrnırde «Qaırat» alǵashqy jeńisine jetti.