Qazaqstan fýtbol quramasy Birikken Arab Ámirligimen joldastyq kezdesý ótkizedi

ASTANA. QazAqparat - Búgin fýtboldan Qazaqstan men Birikken Arab Ámirligi quramalarynyń joldastyq kezdesýi bolady, dep habarlaıdy QazAqparat tilshisi.

Kezdesý elorda ýaqytymen 21.30-da bastalyp, «Qazsport» telearnasynan tikeleı efırde kórsetiledi.

Eki qurama buǵan deıin úsh márte kezdesken edi. Onyń 1-ýi qazaqstandyq quramanyń basymdyǵymen aıaqtalsa, ekeýinde qarsylastar jeńiske jetti.

1998 jylǵy álem chempıonatyna ekinshi irikteý satysynda V tobynda synǵa túsken Qazaqstan syrt alańda 1997 jyldyń 12 qyrkúıeginde atalǵan qarsylasyna 0:4 esebimen ese jiberse, óz alańynda 3:0 esebimen basym tústi.

Al 2000 jyldyń 11 jeltoqsanynda ótken joldastyq kezdesýde qazaqstandyq fýtbolshylar qarsylasyna 2:5 esebimen jeńilip qaldy.

Eske salsaq, budan buryn Qazaqstan quramasy syrt alańda Ózbekstanmen joldastyq kezdesýde 0:2 esebimen jol berdi.

Sol kúni BAÁ quramasy joldastyq kezdesýde Argentınadan 0:5 esebimen jeńildi.