Qazaqstan fýtbol quramasy Túrikmenstanmen joldastyq kezdesý ótkizedi

<p>ASTANA. KAZINFORM — Fýtboldan Qazaqstan quramasy aldaǵy Grekııamen bolatyn oıynǵa daıyndyǵyn Birikken Arab Ámirliginde ótkizedi.</p>

Qazaqstandyq fýtbolshylar 2024 jylǵy Eýropa chempıonaty fınaldyq satysyna joldama alý úshin pleı-off satysynda Grekııamen kezdesedi.

Atalǵan oıynǵa ázirlikti Qazaqstan ulttyq quramasy 8 naýryzda bastaıdy.

Oqý-jattyǵý jıyny Birikken Arab Ámirliginiń Dýbaı qalasynda bolady.

Al 14 naýryzda Túrikmenstan quramasyna qarsy joldastyq oıyn josparlanǵan.

Aıta ketsek, 21 naýryzda Afına qalasynda ulttyq qurama pleı-off matchyn Grekııaǵa qarsy ótkizedi.

Eske sala keteıik, budan buryn Azııa kýbogynda Ózbekstan quramasy shırek fınalǵa shyqty.