Qazaqstan fýtbol federatsııasynyń jańa prezıdenti saılandy

NUR-SULTAN. QazAqparat – Qazaqstan fýtbol federatsııasynyń jańa basshysy saılandy, dep habarlaıdy QazAqparat tilshisi.

Elordada Qazaqstan fýtbol federatsııasynyń kezekti jıyny ótti. Atalǵan sharada federatsııanyń jańa basshysy saılandy.

Óńirlik fýtbol federatsııalarynyń daýys berýi nátıjesinde prezıdent bolyp Ádilet Barmenqulov saılandy.

«Fýtboldyń damýyna memleket tarapynan da, qoǵam tarapynan da qyzyǵýshylyq bolýy qajet. Bizdiń mindet - memleket pen qoǵam arasynda tyǵyz baılanys ornatý. Fýtbol ulttyq jobaǵa aınalýy kerek. Ol úshin strategııalyq qujat ázirleýimiz qajet. Ol qujatta fýtboldy damytýdyń mindeti men datasy naqty kórsetiledi. Mınıstrmen kezdesip, naqty josparymyzdy usynamyz», - dedi Ádilet Barmenqulov BAQ ókilderine arnalǵan brıfıngte.