Qazaqstan Frantsııamen birge avıatsııa mamandaryn daıarlamaq

<p>Elimizde jyl saıyn avıatsııa salasynda 600 maman jetispeıdi. Bul týraly Úkimet otyrysynda Kólik mınıstri Marat Qarabaev aıtty, dep habarlaıdy <a href="https://kaz.inform.kz/?_gl=1*1cookbu*_ga*MTMxOTQ2NjU5MC4xNjk4Mzc1OTcw*_ga_Y44SMVECD5*MTY5ODM3NTk2OS4xLjAuMTY5ODM3NTk2OS42MC4wLjA.&amp;pk_vid=1dac2fba2c02ff6916983759715aaacc" target="_blank" rel="noopener">Kazinform.</a></p>

«Kadrlar daıarlaý máselesine toqtalatyn bolsaq, qazirgi ýaqytta salada 20 myńǵa jýyq adam jumys isteıdi. Jyl saıyn qosymsha kadrlarǵa degen qajettilik 600 adamdy quraıdy. Elimizde Orta Azııa boıynsha kadrlar daıarlaýdy júzege asyratyn jalǵyz joǵary oqý orny jumys istep tur. Alaıda, akademııa túlekteri halyqaralyq talaptarǵa sáıkes kelmeý sebebinen suranysqa ıe emes», - dedi mınıstr.

Onyń aıtýynsha, osyǵan baılanysty negizgi avıakásiporyndar kadrlardy daıarlaýdy óz betinshe júzege asyrýǵa májbúr.

«Kadr tapshylyǵy máselesin sheshý jáne stýdentterimizdiń suranys deńgeıin arttyrý maqsatynda frantsııalyq Azamattyq avıatsııa ulttyq mektebin strategııalyq seriktes retinde tarta otyryp, EASA eýropalyq standarttarǵa sáıkes kadrlardy daıarlaý pysyqtalyp jatyr», - dedi ol.