Qazaqstan FIFA reıtınginde eki satyǵa joǵarylady

ASTANA. QazAqparat - Halyqaralyq fýtbol qaýymdastyǵy (FIFA) 2019 jyldyń aqpan aıyna arnalǵan álemdik reıtıngti jarııalady. Onda Qazaqstan quramasy eki satyǵa joǵarylap, 117-orynǵa jaıǵasqan, dep habarlaıdy QazAqparat tilshisi.

Jańartylǵan reıtıngte Belgııa quramasy kósh bastap tur. Aıta keteıik, belgııalyqtar 2020 jylǵy Eýropa birinshiligi irikteý kezeńiniń I tobyndaǵy qarsylastarymyzdyń biri. Tizimniń odan keıingi oryndarynda Frantsııa, Brazılııa, Horvatııa, Anglııa quramalary tur.

I tobyndaǵy ózge qarsylastarymyz - Shotlandııa - 40, Reseı - 50, Kıpr - 87, San-Marıno 211-inshi pozıtsııalarǵa ornalastyrylǵan.

Eske salaıyq, 21 aqpanda Qazaqstan fýtbolshylary Moldova quramasymen joldastyq kezdesý ótkizedi. Bul - cheh mamany Mıhal Bılektiń jetekshiligimen ótetin alǵashqy oıyn.

Qazaqstan quramasy 21 naýryzda 2020 jylǵy Eýropa birinshiligindegi alǵashqy kezdesýin ótkizedi. Sol kúni Astanada Shotlandııa quramasyn qabyldaıdy.