Qazaqstan fermerleri kıik taptaǵan alqaptardan 200 myń tonna astyq joǵaltýy múmkin

NUR-SULTAN. QazAqparat – Bıyl Qazaqstan dıqandary kıik taptaǵan alqaptardan 200 myń tonna astyq joǵaltýy múmkin, dep habarlaıdy QazAqparat tilshisi.

QR Ekologııa, geologııa jáne tabıǵı resýrstar mınıstrligi usynǵan derekterge sáıkes, Batys Qazaqstan oblysynda 6,7 myń, Qaraǵandy oblysynda 23,2 myń, Aqtóbe oblysynda 10,3 myń, Qostanaı oblysynda 49,6 myń jáne Aqmola oblysynda 141,9 myń gektar, jalpy 261,7 myń gektar egistik alqaby kıik tuıaǵynyń astynda qalǵan.

Demek, sharýalar bul alqaptan ónim ala almaıdy.

2021 jyly bolǵan qýańshylyqqa qaramastan elimizdiń fermerleri orta eseppen 1 gektar alqaptan 8,3 tsentnerden ónim aldy.

Al 2020 jylǵy astyqtyń ortasha túsimi gektaryna 12,3 tsentnerden aınalǵan bolatyn.

Bıylǵy túsimdi orta eseppen gektaryna 8,3 tsentner dep alǵannyń ózinde dıqandarymyz 217 myń tonnadan astam astyqtan qaǵylýy múmkin.