Qazaqstan EYDU-nyń barlyq 34 elimen vızasyz rejim engizýdi josparlaýda

ASTANA. QazAqparat - Qazaqstan Ekonomıkalyq yntymaqtastyq jáne damý uıymynyń barlyq 34 elimen vızasyz rejim engizýdi josparlaýda. Bul týraly búgin Ispanııa-Qazaqstan bıznes-forýmynda QR Investıtsııalar jáne damý mınıstri Áset Isekeshev málim etti.

«Tek sońǵy 10 jylda ǵana Qazaqstan 200 mln. dollardan asta tikeleı shetel ınvestıtsııasyn tartty. Biraq, biz munymen toqtap qalmaq emespiz. Memleketter aldyna zamanaýı syn-qaterler týyndaǵan qazirgi ýaqytta bizdiń álemniń damyǵan 30 eliniń qataryna kirý syndy uly josparymyz bar», - dedi Á.Isekeshev.

Ol óz sózinde taıaýda ǵana prezıdenttik «100 naqty qadam» Ult jospary jarııa etilgenin, onyń aıasynda Qazaqstan ekonomıkasy qarqyndy damı túsetindigin atap ótti. Investorlardy tartý jáne táýekelderdi tómendetý, EYDU standarttaryna sáıkes ınvestıtsııalyq ahýaldy jaqsartý úshin jańa tetikter ázirlengenin eske saldy.

«Salyqtan bosatý rejimi arnaıy engizildi. Memleket joba iske qosylǵannan keıin kúrdeli shyǵystardyń 30 paıyzyn óteıtin bolady. Bul jobalarǵa sheteldik eńbek kúshterin tartý 1 jylǵa qandaı da bir ruqsat qaǵazynsyz, arnaıy kvota boıynsha júrgiziledi. Ispanııany qosa alǵanda 19 el Qazaqstanmen vızasyz rejimge ıe bolǵan. Sonymen qatar bizdiń josparymyzda EYDU-nyń 34 eline deıin bul tizimdi keńeıtý bar», - dedi mınıstr.