Qazaqstan EYDU Bolat komıtetine qosyldy

ASTANA. QazAqparat - Ekonomıkalyq yntymaqtastyq jáne damý uıymy Qazaqstan Respýblıkasynyń Bolat komıtetine qosylý týraly ótinishin qabyldady, dep habarlaıdy QazAqparat tilshisi QR Investıtsııalar jáne damý mınıstrliginiń baspasóz qyzmetine silteme jasap.

«2017 jylǵy 28-29 qyrkúıektegi Qazaqstannyń bolat salasyndaǵy saıasatyna sholý qorytyndylary boıynsha Bolat komıteti EYDU Keńesine Qazaqstandy qaýymdastyrylǵan múshe retinde shaqyrý týraly sheshim qabyldaǵan bolatyn. Búgin EYDU ótinishti maquldaǵany belgili boldy», - delingen habarlamada.

Vedomstvo ókilderi Qazaqstan tarapy atalǵan Komıtet músheligine qabyldaný boıynsha 5 jyldan beri qajyrly eńbek etip kelgenin tilge tıek etti.

«EYDU Bolat komıtetindegi qatysý mártebesiniń artýy Qazaqstannyń saladaǵy tendentsııalardy baqylaýyn meılinshe jeńildetedi. Sondaı-aq, EYDU enshisindegi mol zertteý-taldaý materıaldaryna shekteýsiz qoljetimdilikke ıe boldyq», - deıdi QR IDM qyzmetkerleri.

EYDU 1961 jyly qurylǵan, Uıymǵa 35 memleket, sonyń ishinde Germanııa, Ulybrıtanııa, Frantsııa, AQSh, Japonııa jáne Aýstralııa múshe. Álemdik bolat óndirisiniń 45%-i, al eksportynyń 75%-i dál osy EYDU-ǵa múshe memleketterdiń úlesine týra keledi.

Foto: kursiv.kz