Qazaqstan EYDU aıasyndaǵy básekege qabilettilik baǵdarlamasyn 2024 jylǵa deıin uzartýǵa nıetti - Premer

NUR-SULTAN. QazAqparat - Úkimette Ekonomıkalyq yntymaqtastyq jáne damý uıymymen ózara is-qımyl jónindegi keńes otyrysy ótti, dep habarlaıdy QazAqparat Úkimettiń resmı saıtyna silteme jasap.

EYDU-men tıimdi yntymaqtastyqty jalǵastyrý úshin Qazaqstannyń Eýrazııalyq básekege qabilettilik baǵdarlamasyna qatysýy týraly kelisimniń qoldanylý merzimin 2024 jylǵy 1 qańtarǵa deıin uzartý qajet.

Baǵdarlama ınvestıtsııalar tartý, Eýrazııada básekege qabilettilikti arttyrý jáne jeke kásipkerlikti damytý maqsatynda iske asyrylady.

Premer-Mınıstr EYDU-men yntymaqtastyqtyń atalǵan baǵyttaryn maquldady.

Bul rette Álıhan Smaıylov Qazaqstan úshin mańyzdy emes shyǵyndardy alyp tastaý úshin birqatar jekelegen tarmaqty oryndaýdyń oryndylyǵyn taǵy bir pysyqtaýdy tapsyrdy.

«Búgin aıtylǵan máselelerdiń mańyzy zor. EYDU usynymdaryn júzege asyrý jáne standarttaryn engizý – Uıymǵa qosylýmen qatar, Qazaqstan azamattarynyń ál-aýqatyn jaqsartýdyń da negizgi qadamy», — dep atap ótti Úkimet basshysy.