Qazaqstan Eýropalyq odaqqa azyq-túlik eksporttaý boıynsha kelissóz júrgizip jatyr

ASTANA. QazAqparat – Qazaqstan Eýropalyq odaq elderine azyq-túlik eksporttaý boıynsha kelissóz júrgizip jatyr. Bul týraly Saýda jáne ıntegratsııa vıtse-mınıstri Qaırat Tórebaev málim etti, dep habarlaıdy QazAqparat tilshisi.

«Otandyq eksporttaýshylar úshin jańa múmkindikter ashý boıynsha júıeli jumysty jalǵastyramyz. Máselen, naýryz aıynda Eýro komıssııamen kelissózder qorytyndysynda balyq ónimderi eksportyn qaıda jandandyrý týraly ýaǵdalastyqqa qol jetkizildi. Bal, et ónimderi, qus etý jáne jumyrtqa eksporty boıynsha kelisózder protsesi bastaldy», - dedi ol Ortalyq kommýnıkatsııalar qyzmetindegi baspasóz máslıhatynda.

Vıtse-mınıstrdiń atap ótinshe, Tájikstan Prezıdentiniń taıaýdaǵy elimizge sapary aıasynda 1,8 mlrd dollardan astam somaǵa 39 kommertsııalyq kelisim jasaldy. Onyń ishinde 155 mln dollarǵa Tájikstan naryǵyna óńdelgen shıkizattyq ónimdi jetkizý kózdelgen. Munan bólek, Saýd Arabııasy naryǵyna eksport shyǵarýǵa múmkindigi bar kompanııalar tizimin keńeftý jumysy jalǵasyp jatyr. Bul elge negizinen et pen bal jetkiziledi.

«Taıaýda ǵana Qytaıǵa burshaq pen jasymyq, kúnbaǵys, maqsary, soıa jáne zyǵyr ónimderin eksporttaý týraly hattamalarǵa qol qoıyldy. Salqyndatylǵan et, qus eti jáne sýbónimder, jylqy eti syndy ónimderdi eksporttaýdy bastaý boıynsha kelissózder júrgizilýde», - dedi Qaırat Tórebaev.