Qazaqstan Eýropa qaıta qurý bankinen sý salasyna qaryz alyp, durys ıgermeı otyr – aýdıt

<p>Eýropa qaıta qurý jáne damý bankinen alynǵan 3 mlrd teńge qaryzǵa satyp alynǵan qondyrǵylar men ǵımarattar maqsatyna saı qoldanylyp jatqan joq. Májiliste sý resýrstarynyń basqarylý tıimdiligine júrgizilgen aýdıtorlyq is-sharalardyń qorytyndysyn tanystyrǵan Joǵary aýdıtorlyq palatanyń tóraıymy Natalıa Godýnova osyndaı derek aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Aýdıt kezinde anyqtalǵandaı, Eýropa qaıta qurý jáne damý bankinen alynǵan boryshtyń 8 jobasy aıasynda 3 mlrd teńgege satyp alynǵan qondyrǵylar men ǵımarattar maqsatyna saı qoldanylyp otyrǵan joq. Saldarynan 4 myń gektarǵa jýyq sýarmaly alqap aýyl sharýashylyǵy aınalymyna túsken joq», - dedi N.Godýnova.

Joǵary aýdıtorlyq palata basshysy atalmysh bankten alynǵan boryshtyń maqsatyna saı qoldanylmaı jatqanyna bir mysal keltirdi.

«Muny quny 1,5 mlrd teńge bolatyn, «Aqtóbe qalasynda Aqtóbe sý qoımasynan Sazdy ózeniniń arnasyna sý alý arqyly jasyl aımaq qurý» jobasynan kórýge bolady.

Bul qaryz sýarý ınfraqurylymyn qalpyna keltirýge baǵyttalǵan bolatyn. Al is júzinde Aqtóbe saıabaq aımaǵyn abattandyrýǵa jumsalǵan. Saıabaq qurý kerek, árıne. Biraq valıýtamen alynǵan qaryz esebinen emes shyǵar», - dedi Natalıa Godýnova.