Qazaqstan Eýrazııalyq ekonomıkalyq odaq aıasynda tıimdi bıznes-seriktes - Jeńis Qasymbek

ASTANA. QazAqparat - Qazaqstan Eýrazııalyq ekonomıkalyq odaq aıasynda tıimdi bıznes-seriktes. Bul týraly búgin Astana-Batýmı bıznes-forýmynda Investıtsııalar jáne damý mınıstriniń birinshi orynbasary Jeńis Qasymbek osylaı málim etti.

«2015 jyldyń 1 qańtarynan jumysyn bastaǵan Eýrazııalyq ekonomıkalyq odaqtyń basymdyqtaryna toqtalatyn bolsaq, búginde onyń naryǵy 170 mln. adamdy qurap otyr. Jıyntyq jalpy ishki ónim eki trln. AQSh dollarynan astam jáne sarapshylardyń baǵalaýy boıynsha 2030 jylǵa deıin bizdiń elder JІÓ ósimine qosymsha 20 paıyz deńgeıinde qol jetkizedi. Bul shamamen 600 mlrd. dollardy qamtıdy. Bul jaǵdaıda Qazaqstannyń Qytaı, EAEO, sondaı-aq Ortalyq Azııa jáne basqa naryqtarǵa jaqyndyǵyn eskere otyryp, elimiz budan da tıimdi bıznes-serikteske aınalýda», - dedi mınıstrdiń birinshi orynbasary.