Qazaqstan Eýrazııa týrıstik uıymymen memorandým bekitti
Memorandým seısenbi kúni Tarazda ótken «Ancient Taraz-2017» halyqaralyq týrıstik forýmy aıasynda bekitilgen.
Sondaı-aq, Qazaqstannyń týrıstik qaýymdastyǵy Tájikstannyń, Ázerbaıjannyń, Ózbekstan men Ýkraınanyń týrızm qaýymdastyqtarymen kelisim ornatty.
«Olardyń kópshiligi tájirıbe almasý, ózara jarnamaǵa jóninde, - deıdi Jambyl oblysy ákimdiginiń kásipkerlik jáne ındýstrııalyq-ınnovatsııalyq damý damý basqarmasynyń basshysy Qarlyǵash Aralbekova. - Jalpy sany 9 memorandým bekitý josparlanǵan bolatyn, biraq tehnıkalyq sebepterge baılanysty qonaqtardyń ekeýimen kelisim ornatylmady.Alaıda, olar forýmǵa kelip, oblysymyzdyń týrıstik áleýetin kórip, mindetti túrde kelisimshart bekitetinderin aıtty».
«Buǵan deıin halyqaralyq týrıstik forýmdarda ǵana estip kelgen Uly Jibek jolynyń elementterimen tanystym. Tarazda onyń barlyǵyn óz kózimizben kórdik jáne barlyq málimetti Ýkraınaǵa jetkizgeli otyrmyn. Ýkraınalyq týrıster de Jambyl oblysyna kelip, kóne jádigerlermen tanysýy qajet. Memorandým ornatýdyń basty sebebi osy», - deıdi Ýkraınanyń ekologııalyq týrızm qaýymdastyǵynyń basqarma basshysy Sergıı Pıdmogılnyı.
Jambyl oblysy ákiminiń baspasóz qyzmeti habarlaǵandaı, memorandýmdarǵa qol qoıýdan bólek, «Ancient Taraz-2017» halyqaralyq týrıstik forýmy aıasynda Jambyl oblysynyń ákimi Kárim Kókirekbaev Germanııa Federatıvti Respýblıkasynyń Qazaqstandaǵy Tótenshe jáne Ókiletti elshisi Mafael Rolfpen jáne ıÝNESKO ókili Krısta Pıkkatpen kezdesti. Júzdesýler barysynda aýqymdy týrıstik áleýeti bar Jambyl óńirimen yntymaqtastyqtyń tıimdi ári tabysty bolatyny atalyp ótti.
Forýmǵa Qytaı, Koreıa, Malaızııa, Germanııa, Reseı, Qyrǵyzstan jáne ózge de memleketterinen kelgen 350-ge jýyq týrızm mamandary keldi.
Jambyl oblysynda 44 týrıstik fırma, 150 qonaq úı, bir kıiz úı qalashyǵy, 8 demalys orny, 10 balalardy saýyqtyrý ortalyǵy jáne biregeı shıpaly balshyǵy men mıneraldy sýlary bar 5 sanatorıı-kýrorttyq shıpajaı bar.