Qazaqstan energetıkteriniń 6-shy respýblıkalyq keńesine qatysýshylar qarar qabyldady

ASTANA. Tamyzdyń 25-i. QazAqparat /Qanat Mámetqazyuly/ - Búgin Astanada ótken Qazaqstan Elektr energetıkasy qaýymdastyǵynyń 6sh-y respýblıkalyq keńesi barysynda jıynǵa qatysýshylar arnaıy qarar qabyldady. Esterińizge sala keteıik, jıynǵa «Qazaqstan Respýblıkasynyń Údetilgen ındýstrııalyq-ınnovatsııalyq damý memlekettik baǵdarlamasyn júzege asyrýdaǵy elektr energetıkasynyń róli» taqyryby arqaý bolǵan edi.

Basqosýda energetıkter salanyń bolashaq damýynyń ózekti máselelerin talqylap, bul baǵytta zańnamalyq jáne normatıvtik qamtamasyz etýge qatysty birqatar usynystar jasady. Atap aıtqanda, tarıf saıasaty men baǵany qalyptastyrý, ınvestıtsııalyq tartymdylyqty arttyrý, elektr toraby nysandarynyń qurylysy men qýat óndirýshi oryndaryn iske qosý, energııa tıimdiligi men energetıka kásiporyndarynyń jaýapkershiligin arttyrý jaıynda sóz boldy. Keńes barysynda aıtylǵan usynystar men pikirler 2010-2014 jyldarǵa arnalǵan salalyq damý baǵdarlamasyn jáne 2020 jylǵa deıingi elektr energetıkasyn damytý tujyrymdamasyn ázirleýde paıdalanylatyn bolady.

Jumys qorytyndysy boıynsha qabyldanǵan qararda da eń aldymen aldaǵy besjyldyq baǵdarlamany maquldaý usynylady. Budan bólek, elektr energetıkasy salasyn tıimdi basqarý máselelerin qarastyrý, baǵdarlamalarǵa sáıkes tarıftik saıasatpen qatar zańnamalyq qamtamasyz etý sharalaryn qarastyrý sharalary da kózdelip otyr.

«Investıtsııalyq qamtymdylyqty esepke ala otyryp, óńirlik elektrjelilik kompanııalar úshin tarıftik saıasatty jetildirý jóninde usynystar ázirlenýi tıis. Bilikti mamandardy saqtap qalý maqsatynda tıisti ózgeristerdi normatıvtik-quqyqtyq aktilerge engizý qajet», delingen qararda.