Qazaqstan Elshisi Shvetsııa Koroline senim gramotalaryn tapsyrdy
— Suhbat barysynda qazaqstandyq dıplomat QR Prezıdenti Qasym-Jomart Toqaevtyń Shved monarhyna izgi tilekterin jetkizip, dıalogty joǵary deńgeıde jandandyrýdyń mańyzdylyǵyn atap ótti. Elshi Memleket basshysynyń saıası reformalary Qazaqstan damýynyń jańa kezeńin ashqanyn jáne eldegi odan ári demokratııalyq jáne áleýmettik-ekonomıkalyq ózgerister úshin berik negiz qalaǵanyn habarlady, — dep atap ótti Syrtqy ister mınıstrliginiń baspasóz qyzmeti.
Osy turǵyda qorshaǵan ortany qorǵaý, «jasyl» tehnologııalar, joǵary tehnologııalyq óndiris jáne mashına jasaý, sý resýrstary men qaldyqtardy basqarý, kóliktik ózara baılanysty damytý, sondaı-aq jasandy ıntellekt pen aqparattyq tehnologııa sııaqty salalarda ózara tıimdi áriptestik úshin eleýli iske asyrylmaǵan áleýetti atap óte kele, Shvetsııamen saýda-ekonomıkalyq yntymaqtastyqty nyǵaıtý osy laýazymdaǵy jumysynyń mańyzdy baǵyty bolyp tabylatynyna nazar aýdardy.
Sonymen qatar, taraptar halyqaralyq kún tártibindegi ózekti máselelerdi talqylady. Baký qalasynda (Ázerbaıjan) ótip jatqan BUU-nyń Klımattyń ózgerýi týraly negizdemelik konventsııasy (SOR29) taraptary konferentsııasynyń 29-shy sessııasy Patshanyń erekshe qyzyǵýshylyǵyn týdyrdy. Osy sessııanyń sheńberinde Qazaqstan pavılonynda jasyl tehnologııalar, jańartylatyn energııa jáne klımattyń ózgerýine beıimdelý salasyndaǵy bastamalar usynylǵan.
QR Elshisi Shvetsııanyń ornyqty damý jáne «jasyl ekonomıkasyna» aýysý salasyndaǵy jetistikteri men keń tájirıbesin joǵary baǵalap, bul turǵyda Qazaqstannyń jahandyq klımattyq kún tártibine, 2060 jylǵa qaraı kómirtegi beıtaraptyǵyna qol jetkizý jónindegi órshil maqsatqa, sondaı-aq eldiń Aral teńizin saqtaý jónindegi kúsh-jigerine beıildiligi týraly habardar etti.
Sonyńa qaraı Shvetsııa Patshasy qazaq dıplomatyna ekijaqty qatynastardy odan ári nyǵaıtýǵa baǵyttalǵan jaýapty mıssııada tabys tiledi.
Buǵan deıin Qazaqstan Elshisi Slovenııa prezıdentine senim gramotalaryn tabystaǵany habarlandy.