Qazaqstan Elshisi Ázerbaıjannyń Mádenıet mınıstrimen kezdesti

<p>Qazaqstan Respýblıkasynyń Ázerbaıjandaǵy Elshisi Álim Baıel Ázerbaıjannyń Mádenıet mınıstri Ádil Kárimlimen kezdesti. Taraptar ekijaqty jáne kópjaqty mádenı-gýmanıtarlyq yntymaqtastyqtyń qazirgi jaǵdaıy men keleshek perspektıvalaryn talqylady, dep habarlaıdy <a href="Kazinform" target="_blank" rel="noopener">Kazinform.</a></p>

Álim Baıel mádenıet salasyndaǵy yntymaqtastyqtyń ekijaqty qarym-qatynastyń mańyzdy bóligi ekenin aıtyp, mınıstrge Elshilik bastamalaryna kórsetip otyrǵan qoldaýy úshin alǵys bildirdi. Ádil Kárimli qazaqstandyq tarapqa ekijaqty negizdegi jáne TÚRKSOI aıasyndaǵy mádenı-gýmanıtarlyq baılanystardy belsendi qoldaǵany úshin alǵysyn jetkizdi. 

Taraptar osy jyldyń jeltoqsan aıynda Bakýde ótetin Qazaqstannyń Ázerbaıjandaǵy mádenıet kúnderine daıyndyq barysyn talqylady. Eki el arasyndaǵy mádenıet kúnderin almasý Memleket basshylary Qasym-Jomart Toqaev pen Ilham Álıevtiń tapsyrmalaryna sáıkes júzege asyrylady. 

Áńgimelesýshiler taıaýda Qor Prezıdenti bolyp taǵaıyndalǵan Qazaqstan ókili Aqtoty Raıymqulovanyń jetekshiligimen halyqaralyq túrki mádenıeti jáne murasy qorynyń qyzmeti odan ári damıtynyna senim bildirdi.