Qazaqstan elshilikter arqyly azamattyqtan shyǵý rásimin ózgertýdi qarastyryp jatyr

<p>ASTANA. KAZINFORM &ndash; QR Syrtqy ister mınıstriniń 2017 jylǵy 15 qyrkúıektegi &laquo;Qazaqstan Respýblıkasynyń sheteldegi mekemeleriniń Qazaqstan Respýblıkasynyń azamattyǵy, Qazaqstan Respýblıkasynyń azamattyǵynan aıyrý jáne aıyrý máseleleri boıynsha ótinishterdi qabyldaý, resimdeý jáne qaraý jáne Qazaqstan Respýblıkasynyń azamattyǵyna tıesiligin aıqyndaý qaǵıdalaryn bekitý týraly&raquo; buıryǵyna ózgerister men tolyqtyrýlar engizý jobasy ázirlendi.</p>

Negizdemede Qazaqstan Respýblıkasynyń azamattyǵy máseleleri boıynsha qujattardy resimdeý rásimin ońaılatý jáne bıýrokratııadan shyǵarý úshin azamattyq máseleleri men ótinishter boıynsha Syrtqy ister mınıstrliginiń qorytyndysyn jasaý qajettiligi alynyp tastalatyny kórsetilgen. Onyń ornyna Qazaqstan Respýblıkasynyń shet elderdegi mekemeleri jasaǵan qorytyndylardy Syrtqy ister mınıstrligimen kelisý usynylady. Bul rásim QR Prezıdenti janyndaǵy Azamattyq máseleleri jónindegi komıssııanyń jumys organy QR Prezıdenti apparatynyń memlekettik quqyqtyq bólimimen aldyn ala kelisilgen.

Jańa redaktsııaǵa sáıkes mınıstrlik qorytyndyǵa mórtańba qoıý arqyly azamattyq máseleleri boıynsha qorytyndyny jáne resimdelgen qujattardy kelisedi. 

Sondaı-aq, ózgerister Qazaqstan Respýblıkasynan tys jerde turaqty turatyn Qazaqstan azamatynyń sheteldegi mekeme arqyly Qazaqstan Respýblıkasynyń azamattyǵynan shyǵý týraly ótinishine qosa beretin qujattar tizbesine de qatysty. Notarıaldy kýálandyrylǵan ótinishke ata-anasynyń kelisimi qosylady. Qujatta ata-anany qosý alıment, nesıe nemese basqa mindettemelerdiń bolýy múmkin ekendigine baılanysty qajet ekendigi túsindirilgen. 

Qazaqstan Respýblıkasynan tys jerde turaqty turatyn adamǵa qatysty Qazaqstan azamattyǵynan aıyrylýdy tirkeýdi sheteldegi mekeme mynadaı qujattar negizinde júzege asyrady:

- Basqa memlekettiń azamattyǵyn qabyldaǵan adamnan Qazaqstan Respýblıkasynyń azamattyǵynan aıyrylýdy erkin nysanda tirkeý týraly ótinish ne Qazaqstan Respýblıkasy azamatynyń basqa memlekettiń azamattyǵyn alǵany týraly shet memlekettiń ýákiletti organynyń resmı haty;

- Qazaqstan Respýblıkasy azamatynyń pasporty nemese jeke kýáligi (túpnusqa). Qazaqstan Respýblıkasynyń pasporty jáne jeke kýáligi bolmaǵan nemese joǵalǵan jaǵdaıda jazbasha túsinikteme ne osy faktini rastaıtyn ózge de qujat usynylady;
- shet memleket azamatynyń pasportynyń kóshirmesi nemese shetel azamattyǵyn rastaıtyn ózge de qujat.

Sheteldegi mekeme Qazaqstan Respýblıkasynyń azamattyǵynan aırylý tirkelgen kúnnen bastap 10 jumys kúni ishinde Qazaqstan Respýblıkasynyń qujattalǵan halqynyń derekqoryna málimetter engizý úshin QR Іster mınıstrliginiń «Aqparattyq-óndiristik ortalyǵy» respýblıkalyq memlekettik kásipornyn habardar etedi.

Qazaqstan Respýblıkasynyń azamatynyń jeke basyn kýálandyratyn qujattardy sheteldik mekeme Qazaqstan Respýblıkasynyń azamattyǵynan aırylý tirkelgen kúnnen bastap 1 aı ishinde joıý úshin joǵaryda atalǵan respýblıkalyq memlekettik kásiporynǵa jiberedi.

QR azamattyǵynan aırylý týraly anyqtama berý týraly ótinish kelip túsken kezde 5 jumys kúni ishinde tıisti anyqtamany resimdeıdi. Anyqtamany resimdeý úshin Salyq kodeksine jáne konsýldyq alymnyń bekitilgen stavkalaryna sáıkes konsýldyq alym alynady.

Qujat «Ashyq NQA» saıtynda 2024 jylǵy 15 mamyrǵa deıin talqylaýǵa usynyldy.