Qazaqstan Elshiligi otandastarymyzǵa Ýkraına aýmaǵynan ketýdi usyndy

<p>KIEV. KAZINFORM — Qazaqstannyń Ýkraınadaǵy Elshiligi sol eldegi qazaqstandyqtarǵa úndeý jasady. </p>

«Shıelenistiń kúsheıýine baılanysty jáne qaýipsizdik maqsatynda Qazaqstan Respýblıkasynyń Ýkraınadaǵy Elshiligi Qazaqstan azamattaryna Ýkraına aýmaǵynan ketý múmkindigin qarastyrýdy usynady. Ýkraınadan Qazaqstanǵa barý úshin Qazaqstan Respýblıkasynyń azamattary jerústi baǵyttaryn paıdalana alady: Polsha nemese Moldova arqyly, odan ári — kommertsııalyq áýe qatynasymen. Polsha arqyly ketken jaǵdaıda Qazaqstan azamattarynda Shengen vızasy bolýy qajet. Moldovaǵa kirý úshin vıza qajet emes» dep eskertedi vedomstvodan. 

Sonymen birge, Elshilik barlyq azamattardy áýe shabýyly týraly eskertýge jiti qulaq asyp, dereý panalaýǵa, ózderiniń qaýipsizdik sharalaryn saqtaýǵa jáne resmı organdardyń usynystaryn oryndaýǵa shaqyrady.

Elshiliktiń konsýldyq bóliminiń baılanys telefondary: [phone], [phone].

Qazaqstan azamattaryna arnalǵan jedel jeli (tótenshe jaǵdaıda): [phone].