Qazaqstan Elshisi Úndistannyń Syrtqy ister jáne mádenıet mınıstrimen kezdesti
23:00, 10 Naýryz 2022
NUR-SULTAN. QazAqparat - Qazaqstan Respýblıkasynyń Elshisi Nurlan Jalǵasbaev Úndistannyń Memlekettik syrtqy ister jáne mádenıet mınıstri Mınakshı Lekhımen kezdesti, dep habarlaıdy QazAqparat QR Syrtqy ister mınıstrliginiń baspasóz qymetine silteme jasap.
Kezdesý basynda taraptar eki el arasyndaǵy dıplomatııalyq qarym-qatynastardyń ornaǵanyna 30 jyl tolýyna baılanysty jyly lebizin bildirdi. Taraptar Qazaqstan-Úndistan ekijaqty qatynastarynyń barlyq ózekti máselelerin talqylap, saıası, saýda-ekonomıkalyq jáne mádenı-gýmanıtarlyq salalardaǵy yntymaqtastyqty odan ári damytý perspektıvalary týraly pikir almasty.
Kezdesý nátıjesinde taraptar «Ortalyq Azııa - Úndistan» alǵashqy sammıti barysynda qol jetkizilgen ýaǵdalastyqtardy jýyq arada júzege asyrý qajettigi týraly ortaq túsinistikke keldi.