Qazaqstan Elshisi Serbııanyń Syrtqy ister mınıstrimen kezdesti
Otandyq dıplomat Nur-Sultan men Belgrad arasyndaǵy qarym-qatynastardyń dástúrli dostyq jáne senimdi sıpatyn atap ótti.
Ǵ. Syzdyqbekov suhbattasýshysyn ú.j. 10 qańtarda ótken Qazaqstan Parlamenti Májilisine saılaý týraly, saıası jáne ekonomıkalyq salalardaǵy reformalardyń dáıektilikpen jalǵasýy, sonyń ishinde el Prezıdenti Qasym-Jomart Toqaev jarııalaǵan «halyq únine qulaq asatyn memleket» qaǵıdatyn iske asyrý barysy týraly habardar etti.
Elshi aǵymdaǵy jyly eki el arasyndaǵy dıplomatııalyq qatynastardyń ornaǵanyna 25 jyl tolatyndyǵyn, sondaı-aq Qazaqstan Táýelsizdiginiń 30 jyldyq mereıtoıy merekelenetinin atap ótti. Osyǵan baılanysty elshilik birqatar is-sharalar ótkizýdi josparlap otyrǵany jóninde jan-jaqty aqparat berdi.
Taraptar Qazaqstan men Serbııa arasynda tikeleı áýe qatynasyn ashý qajettiligi máselesin talqylap, osy baǵyttaǵy jumysty kúsheıtý týraly ýaǵdalastyqqa qol jetkizdi.
Mınıstr Eýrazııalyq ekonomıkalyq odaq (EAEO) pen Serbııa Respýblıkasy arasyndaǵy erkin saýda týraly kelisimdi ratıfıkatsııalaǵany úshin Qazaqstanǵa óziniń shynaıy alǵysyn jetkizip, osy qujatty is júzinde júzege asyrý Serbııa men EAEO múshe memleketter, ásirese Qazaqstanmen ekonomıkalyq yntymaqtastyqty jandandyrýǵa múmkindik beretinine senim bildirdi.