Qazaqstan Elshisi Laos Prezıdentiniń atyna baǵyttaǵan senim gramotalaryn tapsyrdy

NUR-SULTAN. QazAqparat - COVID-19 pandemııasy kezinde engizilgen Laos Halyq Demokratııalyq Respýblıkasynyń memlekettik protokolynyń erejelerine sáıkes, Qazaqstannyń Vetnamdaǵy jáne Laostaǵy qosa atqarýshy Elshisi Erlan Baıjanov Laos Prezıdentiniń atyna joldanǵan senim gramotalaryn Laostyń Vetnamdaǵy Elshisi Sengphet Hoýngboýngnýangqa tapsyrdy.

QR Syrtqy ister mınıstrligi baspasóz qyzmetiniń habarlaýynsha, senim gramotalaryn tabystaı otyryp, E. Baıjanov uzaq tarıhy bar jáne sońǵy onjyldyqta jańa damýǵa ıe bolǵan Qazaqstan – Laos qatynastarynyń turaqty dostyq sıpatyn atap ótti.

«Osy múmkindikti paıdalana otyryp, Qazaqstan Prezıdenti Qasym-Jomart Toqaevtyń atynan Laos Prezıdenti Thongloýn Sısýlıtke jyly lebizderi men izgi tilekterin joldaýyńyzdy suraı otyryp, dostas Laos halqyna baqyt pen gúldenýdi tileımin», – dedi otandyq dıplomat.

Senim gramotalaryn tapsyrý barysynda taraptar eki el arasyndaǵy, sondaı-aq halyqaralyq uıymdar sheńberindegi yntymaqtastyqty damytý máselelerin talqylap, sondaı-aq ózara qyzyǵýshylyq týdyratyn túrli salalardaǵy yntymaqtastyqty jandandyrý boıynsha odan ári ózara is-qımyldyń perspektıvalaryn belgiledi.

Anyqtama retinde: 2021 jylda Laostyń Vetnamdaǵy Elshisine Vetnamda akkredıttelgen Armenııa, Angola, Grekııa, Pákistan, Fınlıandııa, elshileri senim gramotalaryn tapsyrdy.