Qazaqstan Elshisi Kýveıt Ámirine senim gramotalaryn tabystady
Rásimnen keıin bolǵan kezdesý barysynda Elshi Kýveıt Ámirine Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń jáne QR Prezıdenti Qasym-Jomart Toqaevtyń eń izgi tilekterin jetkizdi. D.Emberdıev bizdiń eldiń basshylyǵynyń eki el arasyndaǵy ózara yqpaldastyqtyń barlyq baǵyttary boıynsha yntymaqtastyqty odan ári damytýǵa kúsh-jigerdi eseleýge múddeligin bildirdi.
Elshi búkil álemde, onyń ishindeQazaqstanda Kýveıt Ámiriniń beıbitshilik jolyndaǵy eńbegin joǵary baǵalaıdy jáne 2014 jyly oǵan BUU-nyń «Gýmanıtarlyq lıder» ataǵyn berý sonyń dáleli bolyp tabylady, dep atap kórsetti. Onyń ıdeıalary Elbasynyń bir-biriniń ishki isterine qol suqpaý prıntsıpin ustana otyryp, musylman álemindegi talastardy izgi nıet jáne syndarly baǵamdaý arqyly beıbit jolmen sheshýdegi qarym-qatynastarda jańa paradıgma bolyp tabylatyn Islamı tatýlasý úrdisi boıynsha bastamasyna úndes ekendigin jetkizdi.
Prezıdent Q.Toqaevtyń Qazaqstan halqyna joldaýyndaǵy mańyzdy baǵyttar týraly aıtyp berdi. Ekonomıka negizderin túrlendirýdiń, tranzıt-tasymaldyq áleýetti alǵa jyljytý jáne ınvestıtsııalardy tartý sekildi qazaqstandyq sharalardy atap ótip, elmizdiń saıası jáne áleýmettik-ekonomıkalyq sferalardaǵy damýyn jańǵyrtý týraly baıandady.
Sonymen qatar halyqaralyq uıymdar aıasyndaǵy yntymaqtastyqty tereńdetý qajettiligine nazar aýdaryldy. Eki jaq kóptaraptylyqtyń, soǵysqa qarsy jáne ıadrolyq qarýǵa qarsy baǵyttyń senimdi jaqtaýshylary retinde, atap aıtqanda, BUU Qaýipsizdik Keńesiniń saıtynda BUU Qaýipsizdik Keńesiniń turaqty emes músheleri retinde - 2017-2018 jyldary Qazaqstan, Kýveıt - 2018-2019 jyldary jemisti jumys jasady. Sondaı-aq, N.Nazarbaevtyń úsh dıalogqa negizdelgen jańa geosaıası shyndyqty qurý, sondaı-aq bizdiń planetamyzdy lańkestik pen jappaı qyryp-joıý qarýlarynan aryltý jónindegi mańyzdy bastamalaryn qoldaýdy usyndy. Kýveıt Azııadaǵy bolashaq qaýipsizdik júıesiniń arhıtektýrasyn birlesip qurýǵa múmkindik beretin AÓSShK protsesine qatysýǵa shaqyryldy.
Kýveıt ústimizdegi jyldyń 1 qazanynan bastap vızasyz rejimi bar elder tizimine engizildi, odan buryn Qazaqstan men Kýveıt arasyndaǵy dıplomatııalyq pasporttardyń ıelerin vızalyq talaptardan bosatý týraly kelisim kúshine engen bolatyn. Bizdiń ekonomıkalyq qatynastarymyzdyń ınvestıtsııalyq quramdas bóligin nyǵaıtý úshin qajetti jaǵdaılar jasalǵan.
Kýveıt Ámiri sheıh S. As-Sabah Qazaqstannyń áleýmettik-ekonomıkalyq damýyna joǵary baǵa berdi. Kýveıttiń Qazaqstanmen ekijaqty jáne halyqaralyq máselelerdiń keń aýqymy boıynsha qatynastardy odan ári damytýǵa ázirligin rastady. Sheıh S. As-Sabah Qazaqstan Respýblıkasynyń Tuńǵysh Prezıdenti – Elbasy N.Nazarbaevqa jáne QR Prezıdenti Q-J.Toqaevqa óziniń jyly tilekterin joldap, Elshi D.Emberdıevtiń jumysyna tabys tiledi.