Qazaqstan elshisi Katar bıznesmenderin elimizge ınvestıtsııa quıýǵa shaqyrdy

DOHA. QazAqparat – Búgin Katar astanasynda «Qazaqstan – ekonomıkasy tartymdy ári ınvestıtsııaǵa qolaıly el» (Kazakhstan as an attractive economy and investment destination) forýmy boldy, dep habarlaıdy QazAqparat.

Shara QR Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynyń áleýmettik-ekonomıkalyq tustaryn túsindirýge arnaldy. Ony Qazaqstannyń Katardaǵy elshiligi sol eldiń saýda jáne ındýstrııa mınıstrligimen yntymaqtasa otyryp uıymdastyrdy.

«Intercontinental Doha» qonaqúıine Katardyń ekonomıka, saýda, ınvestıtsııa, qarjy salalaryndaǵy memlekettik jáne jekemenshik qurylymdarynyń ókilderi qatysty.

Elshi Asqar Shoqybaev Qazaqstan Respýblıkasy Prezıdentiniń Joldaýynda aıtylǵan basty máselelerge toqtaldy. Tikeleı ınvestıtsııalar qorynyń, «Astana» Halyqaralyq qarjy ortalyǵynyń, «Qazaqınvest» UK» AQ ókilderinen quralǵan Qazaqstan delegatsııasy forým qatysýshylaryna Qazaqstan ekonomıkasyndaǵy túrli jobalar týraly baıandap, katarlyq áriptesterimen ózara múddeli kezdesýler ótkizdi.

Forým nátıjesinde Katar men Qazaqstan ókilderi arasynda birqatar kelisimge qol jetkizildi.