Qazaqstan Elshisi Iordanııa Koroline senim gramotalaryn tapsyrdy

NUR-SULTAN. QazAqparat - Amman qalasynda Qazaqstan Respýblıkasynyń Iordan Hashımıt Koroldigindegi Elshisi Aıdarbek Tumatov Iordanııa Koroline senim gramotalaryn tapsyrdy, dep habarlaıdy QR SІM baspasóz qyzmeti.

«Basman» koroldik saraıynda ótken resmı is-shara sheńberinde Elshi memleket basshylyǵynyń eki eldiń arasyndaǵy dostyq pen yntymaqtastyqty odan ári jan-jaqty nyǵaıtý boıynsha dáıekti baǵdaryn rastady.

Óz kezeginde Iordanııa monarhy ekijaqty qatynastardyń turaqty damyp kele jatqanyn joǵary baǵalady jáne Qazaqstannyń basshylyǵyna óziniń jyly lebizin jetkizýdi surady.

Sol kúni Belarýs, Gretsııa, Eýropalyq Odaq, Qatar, Marokko, Úndistan, Frantsııa jáne Chılıdiń jańa elshileri de Iordanııa Koroline senim gramotalaryn tapsyrdy.