Qazaqstan elshisi Estonııa Syrtqy ister mınıstrimen kezdesti

NUR-SULTAN. QazAqparat - Tallınde Qazaqstan Respýblıkasynyń Elshisi Nurlan Seıtimovtiń Estonııa Respýblıkasynyń Syrtqy ister mınıstri Ýrmas Reınsalýmen kezdesýi ótti, dep habarlaıdy QR SІM baspasóz qyzmeti.

Kezdesý barysynda ekijaqty yntymaqtastyqtyń ózekti aspektileri jáne olardy damytý perspektıvalary talqylandy.

Ý.Reınsalý Qazaqstannyń Estonııadaǵy Elshiliginiń ashylýyn ystyq yqylaspen qarsy alyp, qazaqstan-eston memleketaralyq qatynastarynyń joǵary deńgeıi men dostyq sıpatyn atap ótti.

Elshi N.Seıtimov tıimdi is-qımyl úshin keleshegi bar yntymaqtastyqtyń negizgi baǵyttaryn atap ótti: Estonııa aıtarlyqtaı jetistikke jetken tsıfrlandyrý salasy, aýyl sharýashylyǵy, kólik jáne logıstıka, bilim berý protsesterin uıymdastyrý salalary.

Taraptar ekijaqty qatynastardy sapaly jańa deńgeıge kóterý úshin tyǵyz yntymaqtastyq ornatý týraly ýaǵdalasty.