Qazaqstan elshisi Estonııa Prezıdentine senim gramotalaryn tapsyrdy

TALLIN. QazAqparat - «Kadrıorg» prezıdenttik saraıynda Qazaqstan Respýblıkasynyń Estonııa Respýblıkasyndaǵy elshisi Nurlan Seıtimov Estonııa Respýblıkasynyń Prezıdenti Kerstı Kalıýlaıdqa senim gramotalaryn tapsyrdy, dep habarlaıdy QazAqparat QR SІM baspasóz qyzmetine silteme jasap.

Kezdesý barysynda Prezıdent K.Kalıýlaıd Qazaqstan basshylyǵynyń Estonııada elshilik ashý týraly sheshimin joǵary baǵalap, memleketaralyq qatynastyń odan ári nyǵaıa beretinine senim bildirdi.

Óz kezeginde, elshi N.Seıtimov ekijaqty is-qımylda tıimdi yntymaqtastyq úshin úlken áleýet bar ekenin jáne jańadan ashylǵan elshiliktiń kúsh-jigeri ony sózsiz júzege asyrýǵa baǵyttalatyndyǵyn atap ótti. Yntymaqtastyqtyń basym baǵyttary - tsıfrlandyrý, tranzıt jáne logıstıka, aýyl sharýashylyǵy, zańnamalyq bazany nyǵaıtý jáne keńeıtý.

Estonııa Prezıdenti Qazaqstanda júrgizilip jatqan ekonomıkalyq jáne saıası reformalar týraly habardar etti.

Sóz sońynda Prezıdent K.Kalıýlaıd Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevqa jáne Memleket basshysy Qasym-Jomart Toqaevqa izgi tilekterin jetkizdi.