Qazaqstan Elshisi Brazılııa Prezıdentine senim gramotalaryn tapsyrdy
«Planaltý» saraıyndaǵy saltanatty rásimnen keıin ótken ekijaqty kezdesýde dıplomat suhbattasýshysyna Prezıdent Qasym-Jomart Toqaevtyń jyly lebizin jáne izgi tilekterin jetkizdi.
Taraptar ekijaqty yntymaqtastyqtyń keń aýqymdy máselelerin talqylap, eki memleket arasyndaǵy saıası dıalogtyń turaqtylyǵyn, saýda-ekonomıkalyq jáne ınvestıtsııalyq yntymaqtastyqty damytý úshin eleýli áleýetti, sondaı-aq kópjaqty alańdardaǵy ózara is-áreketterdi atap ótti. B.Núsipov Qazaqstannyń aýyl sharýashylyǵy, taý-ken jáne óńdeý ónerkásibi, ózara saýda salasyndaǵy ózara is-qımyldy keńeıtýge jáne Qazaqstan ekonomıkasyna brazılııalyq ınvestıtsııalardy tartýǵa múddeliligin atap ótti.
Óz kezeginde J.Bolsonarý oǵan joldanǵan jyly quttyqtaý tilekteri úshin rızashylyǵyn bildirip, Prezıdent Qasym-Jomart Toqaevqa Qazaqstan halqynyń ıgiligi úshin shyn júrekten odan ári tabysqa jetýdi shynaıy tilekterin jetkizdi. Sonymen katar, Brazılııa Prezıdenti óz eliniń Qazaqstanmen ekijaqty jáne kópjaqty yntymaqtastyqtyń barlyq salalarynda belsendi ózara árekettesýge daıyn ekendigin bildirdi.