Qazaqstan Elshisi Belarýs Prezıdenti Aleksandr Lýkashenkomen kezdesti
Áńgime barysynda saýda-ekonomıkalyq jáne mádenı-gýmanıtarlyq ózara is-qımyldy keńeıtý qajettigine basa nazar aýdara otyryp, yntymaqtastyqtyń basym baǵyttary talqylandy.
«Qazaqstan men Belarýs kez kelgen arenada, sonyń ishinde halyqaralyq arenada bir-birin qoldaıtyn dostas elder bolyp tabylady. Sizge úlken alǵysymdy bildirgim keledi. 2020 jyl ońaı bolǵan joq, pandemııamen kúres jyly boldy, ol kezde barlyq elder oqshaýlanyp jatqanda, Belarýs tarapynan biz úlken dostyq kómekti kórdik», - dep atap ótti A. Beısenbaev.
Belarýs Prezıdenti óz kezeginde Qazaqstan-Belarýs qarym-qatynasyna joǵary baǵa berip, olardyń jan-jaqty damýyna qoldaý kórsetýge daıyn ekenin aıtty.
«Belarýs pen Qazaqstan sońǵy jyldary qarym-qatynastardy damytýda jáne ıntegratsııa turǵysynan, ásirese EAEO jelisi boıynsha, eki jaqty qatynastarda, saýdada jáne kooperatsııada óte kóp jetistikterge qol jetkizdi. Árıne, bul kólemdi keńeıtý úshin neǵurlym tereń kooperatsııa bolǵanyn qalaıtyn edik. Biz óndiristi kóbirek júkteýge, qurastyrý óndirisin qurýǵa, barlaryn júkteýge daıynbyz. Bir sózben aıtqanda, úkimetterge jumys isteý kerek», - dep atap ótti Belarýs basshysy.
A. Lýkashenko Qazaqstan Prezıdenti Q. Toqaevtyń Belarýs Respýblıkasyna sapary ekijaqty ózara is-qımylǵa jańa serpin bere alatynyn atap ótti.
Kezdesý dostyq jáne senimdi jaǵdaıda ótti.