Qazaqstan elshilikterinde ınvestıtsııany basqarý keńseleri qurylady

NUR-SULTAN. QazAqparat - Búgin QR Syrtqy ister mınıstrligi ózara is-qımyldyń tikeleı tizbegin qurý boıynsha Qazaqstannyń shet elderdegi elshilikterinen bastap eldiń jergilikti atqarýshy organdaryna deıin belsendi jumys júrgizýde, dep habarlaıdy vedomstvonyń baspasóz qyzmeti.

Osyǵan baılanysty QR SІM-de, ákimdikterde jáne shetelderdegi mekemelerde ınvestıtsııalyq jobalardy basqarý boıynsha front-keńseler qurylatyn bolady.

Qazirgi kezeńde ınvestıtsııalyq jobalar jóninde keńes berýdi, olardy súıemeldeý jáne memlekettik qyzmet kórsetýdi qarastyratyn aıtylǵan front-ofısterdiń jumysy jóninde jaýapty jáne múddeli taraptar kelisim alý boıynsha áreket etýde.

Sondaı-aq, aǵymdaǵy jyly front-ofısterdiń aqparattyq platformasy retinde qoldanylatyn jobalardy jáne ınvestorlardy onlaın rejımde súıemeldeý SRM (Client relationship management) júıesi iske qosyldy.

Atalmysh júıe biryńǵaı elektrondy málimetter bazasynda onlaın rejımde jobalar, ınvestorlar jáne ótinishter týraly ózekti aqparattyń qalyptasýyn, sonymen birge ınvestıtsııalyq jobalardyń iske asyrylý barysy boıynsha monıtorıngin qarastyrady.