Qazaqstan elimizdi ındýstrııalandyrýǵa qarjy salatyn ınvestorlarmen ǵana jumys isteıtin bolady - N. Nazarbaev
dep habarlaıdy QazAqparat.
«Men búgin ınvestorlarǵa, sonyń ishinde otandyq ınvestorlarǵa mynadaı naqty belgi beremin: biz ekonomıkany ártaraptandyrýǵa jáne shıkizatty tereń óńdeýge baǵyttalǵan naqty jobalardy júzege asyratyndarmen ǵana jumys isteıtin bolamyz. Bul degenimiz mynany bildiredi: elimizge qajetti jobalar sheshimin tappaı jatqan salalarda biz olarǵa paıdaly sharttardy jáne jobalaryna resýrstardy usyna otyryp jańa áriptesterdi izdestiretin bolamyz», dedi N. Nazarbaev. Osy oraıda Memleket basshysy osy aıtylǵandar elimizdi ındýstrııalandyrý baǵdarlamasynyń aıasynda naqty júzege asýy tıistigin qadap aıtty. «Biz Qazaqstannyń kenderi men baılyqtaryn ıgerip, jumys istep jatqan barlyq ınvestorlardy ındýstrııalandyrý baǵdarlamasy boıynsha tyǵyz yntymaqtastyqqa mindetteıtin zań qabyldaıtyn bolamyz», dedi Elbasy.