Qazaqstan elaralyq eseptilik týraly avtomatty túrde aqparat almasýdy iske qosty

NUR-SULTAN. QazAqparat - 2021 jyldyń 1 jeltoqsanynan bastap Qazaqstan elimizdiń rezıdentteri bolyp tabylatyn jeke jáne zańdy tulǵalardyń sheteldik aktıvteri týraly aqparatty alýda,dep habarlaıdy QazAqparat QR Qarjy mınıstrliginiń Memlekettik kirister komıtetine silteme jasap.

Qazaqstan Respýblıkasynyń 2014 jyly Salyq isteri boıynsha ózara ákimshilik kómek týraly konventsııaǵa qosylýy sheńberinde rezıdentterdiń qarjylyq shottary jáne qatysýshy elderdiń elaralyq eseptiligi týraly aqparatpen avtomatty túrde almasýdy iske asyrý bastaldy.

Aqparat almasý sheńberinde Qazaqstan Respýblıkasyna 62 qatysýshy eldiń qarjylyq shotyndaǵy aktıvterge baılanysty týyndaıtyn shottardaǵy qarajat qaldyqtary, paıyzdar, dıvıdendter jáne basqa da kirister somasy týraly aqparat usynylady.

Sondaı-aq, 91 qatysýshy eldiń transulttyq kompanııalarynyń qatysýshylary tirkelgen salyq ıýrısdıktsııalary arasynda kiristterdi, paıdany, tólengen salyqtardy jahandyq bólý týraly jıyntyq derekter jáne ekonomıkalyq qyzmet týraly málimetter usynylatyn bolady.

Aqparat almasý sheńberinde Konventsııaǵa qatysýshy eldermen yntymaqtastyq Qazaqstannyń halyqaralyq standarttarǵa saı bolýyna jáne salyq organdarynyń halyqaralyq deńgeıde salyq salýdan qashý jáne jaltarý maqsatynda qurylǵan salyq shemalarynyń jolyn kesý boıynsha kúresiniń tıimdiligin arttyrýǵa múmkindik beredi.

Qazaqstan Respýblıkasymen almasý júzege asyrylatyn elder týraly aqparat Ekonomıkalyq yntymaqtastyq jáne damý uıymynyń resmı saıtynda ornalastyrylǵan. Tolyq aqparatty kelesi siltemelerden tabýǵa bolady:

https://oecd.org/tax/automatic-exchange/international-framework-for-the-crs/exchange-relationships/;

https://oecd.org/tax/automatic-exchange/country-by-country-exchange-relationships.htm.