Qazaqstan eksporttyq baǵyttardy ártaraptandyrýǵa basa nazar aýdarady - Kelimbetov
«Jahandyq ekonomıkada ne bolyp jatyr? Birinshiden, biz ártúrli megaqaýipter, onyń ishinde ınflıatsııa týraly aıta alamyz. Inflıatsııa jyldar boıy jalǵasyp keledi. Kóptegen adam bul aldaǵy jyldary da jalǵasady dep sanaıdy. Munan keıin – energetıkalyq daǵdarys. Energetıkalyq daǵdarys Ýkraınadaǵy áskerı qaqtyǵysqa deıin bastaldy. Glazgodaǵy COP26-da elder dástúrli energetıka salasyna ınvestıtsııa salmaýǵa ýaǵdalasty. Biz qazir Reseıden jetkizilim shekteýli ekenin túsinemiz. Munyń bári úlken ózgeristerge ákeledi», - dedi Qaırat Kelimbetov.
Ol COVID kezinde jáne keıingi kezeńde taýarlardy, júkterdi jetkizý tizbeginiń shekteýli bolyp otyrǵanyn aıtady.
«Osynyń bárin eskere otyryp, belgili bir logıstıkalyq baǵyttardy iske qosýymyz kerek ekenin túsinemiz jáne bul rette Qazaqstan óz rólin atqarady. Qazaqstan úlken dúnıejúzilik logıstıkalyq tizbektiń bir bóligi bolyp sanalady. Biz kvazımemlekettik sektor tarapynan túrli temirjol ınfraqurylymdaryna, avıatsııa sektoryna, mýltımodaldy elementke ınvestıtsııa salýdy jalǵastyramyz», - dedi ol.
«Astana» HQO basshysy azyq-túlik qaýipsizdigi máselesin de eskerý qajettigin basa aıtty.
«Qazaqstan qandaı da bir kólemdi, paıyzdy almastyra alady. Biz logıstıkalyq salaǵa ınvestıtsııa salýǵa nıettimiz. Eksporttyq baǵyttardy ártaraptandyrýǵa nazar aýdaramyz. Eger biz eksporttaǵymyz keletin munaı men gaz óndirisin ulǵaıtatyn bolsaq, onda aýyl sharýashylyǵy ónimderiniń eksportyn da kóbeıtemiz. Demek, biz logıstıkalyq sheshimderdi qosa alǵanda jańa habtardy ashý, tsıfrlyq sheshimderdi damytý arqyly porttardyń ótkizý qabiletin arttyrýymyz kerek», - dedi Qaırat Kelimbetov.