Qazaqstan eksporttyq áleýeti bar salalardy qoldaýǵa aıryqsha mán berip otyr
Sonyń ishinde birqatar salalarmen birge jeńil ónerkásipti damytý saıasaty uzaq merzimdi kezeńdi qamtıdy. Osy salany órkendetý onyń áleýmettik tıimdiligin kúsheıtý arqyly ártaraptandyrýǵa jáne jeńil óndiris ónimderiniń básekege qabilettiligin arttyrýǵa baǵyttalady.
Jeńil ónerkásipti damytýdyń negizgi baǵyttary Qazaqstan Úkimetiniń arnaıy qaýlysymen bekitilgen 2012-2016 jyldar aralyǵyn qamtıtyn elimizdiń áleýmettik-ekonomıkalyq damýy týraly josparynda kórinis tapqan.
Alǵa qoıylǵan maqsattardy iske asyrý jeńil ónerkásipti damytý jónindegi 2010-2014 jyldarǵa arnalǵan baǵdarlama sheńberinde júzege asyrylady.
«Semeı bylǵary-úlbir kombınaty» JShS-inde teri óndirisin qaıta qurý jáne jańǵyrtý, «Ońtústik» arnaıy ekonomıkalyq aımaǵy aýmaǵynda qazirgi zamanǵy toqyma óndirisin uıymdastyrý, «Maqta ónerkásibi - Tsellıýloza» JShS-i bazasynda gıgroskopııalyq maqta jáne tsellıýloza shyǵarý sııaqty iri jobalardy iske asyrý boljamdalýda.
Investıtsııalyq jobalardy iske asyrý ishki naryqtaǵy jeńil ónerkásip ónimderindegi qajettilikterdi 2014 jylǵa qaraı 30 paıyzǵa deıin asyrý jóninde boljam jasaldy.