Qazaqstan eksporttaıtyn ónimder baǵasy 11,6% arzandady

NUR-SULTAN. QazAqparat – Bıylǵy segiz aıda Qazaqstannan eksporttalǵan taýarlardyń baǵasy 11,6% tómen boldy, al ımport 2,2% qymbat kelgen, dep habarlaıdy QazAqparat tilshisi.

QR Ulttyq ekonomıka mınıstrligi Statıstıka komıtetiniń aqparatyna sáıkes, bıylǵy tamyz aıynda onyń aldyńǵy aımen salystyrǵanda eksporttyq jetkizilimder baǵasy munaıǵa – 10,1%, mysqa – 9,7%, myryshqa – 9%, qorǵasynǵa – 6%, myrysh kenderine – 4,4%, ferroqorytpalarǵa 0,8% joǵarylady. Baǵa sondaı-aq arpaǵa – 1,8%, bıdaıǵa 1,1% joǵarylaǵany tirkeldi.

Importtalatyn ónimderden kókónister – 6,1%, jemister men jańǵaqtar – 4,6%, qant – 1,6%, qus eti – 1,5%, balyq 1% qymbattady. Al kúrish – 9,4%, ósimdik maıy – 5,9%, temeki – 3,2%, kofe – 2,5%, shujyq ónimderi – 1,4%, makaron ónimderi – 1,3%, shaı 0,3% arzandady. Sondaı-aq baǵa bylǵary shıkizatyna – 3%, aıaqkıimge, qaǵazǵa – 2,7%-dan, mashınalar, jabdyqtar jáne kólik quraldaryna 0,7% joǵarylady. Farmatsevtıkalyq ónimderge – 6,9%, súrekke – 1,1%, qurylys materıaldaryna 0,2% tómendedi.