Qazaqstan eksportqa parashıýt shyǵaryp jatyr

ASTANA. QazAqparat – Qazaqstan eksportqa parashıýt shyǵaryp jatyr. Bul týraly Saýda jáne ıntegratsııa vıtse-mınıstri Qaırat Tórebaev málim etti, dep habarlaıdy QazAqparat tilshisi.

«Qazaqstandyq ónimderdiń ishindegi kózge iline bermeıtin eksport – bul parashıýttar. ıAǵnı, osy jerde parashıýttar óndirip jatyrmyz. Olar tanymaldyqqa ıe dep aıta alamyz. Múmkin eksport aıasynda bul bolmashy ǵana soma shyǵar. Biraq, bul jańa ári tehnologııalyq ónim», - dedi vıtse-mınıstr Ortalyq kommýnıkatsııalar qyzmetindegi baspasóz máslıhatynda BAQ ókilderiniń saýalyna oraı.

Sonymen qatar Qaırat Tórebaev qazaqstandyq azyq-túlik shyǵaratyn kásiporyndar Reseıdiń saýda jáne meıramhana jelilerine shyǵyp otyrǵanyn aıtty.