Qazaqstan ekonomıkasynyń ósý qarqyny 3,8 paıyzǵa deıin jedeldedi

NUR-SULTAN. QazAqparat – Qazaqstan ekonomıkasynyń ósý qarqyny 3,8 paıyzǵa deıin jedeldedi. Bul týraly Úkimet otyrysynda QR Ulttyq ekonomıka mınıstri Áset Erǵalıev málim etti, dep habarlaıdy QazAqparat tilshisi.

«Osy jylǵy qańtar-qarasha aılarynda Qazaqstan ekonomıkasynyń ósý qarqyny 3,8 paıyzǵa deıin jedeldedi. Osy esepti kezeńde negizgi trendter boıynsha qyzmet kórsetý sektoryndaǵy ósimniń jyldamdaýy, naqty sektordaǵy ósý qarqynynyń turaqtylyǵy, eksporttyń joǵary kórsetkishteri arqasynda saýda balansynyń nyǵaıýy, óndirýshi emes sektorlardaǵy joǵary ınvestıtsııalyq belsendilik baıqalýda», - dedi mınıstr.

Onyń atap ótýinshe, 11 aıda naqty sektordaǵy ósim 2,9 paıyzdy qurady.

«Qyzmet kórsetý salasynda iskerlik belsendilik 3,9 paıyzǵa deıin ósti. Salalar arasynda aqparat jáne baılanys, saýda, sýmen jabdyqtaý, qurylys, elektrmen jabdyqtaý, óńdeý ónerkásibi joǵary ósim kórsetýde», - dedi Áset Erǵalıev.