Qazaqstan ekonomıkasyna quıylatyn tikeleı shetel ınvestıtsııasy qashan artady

NUR-SULTAN. QazAqparat – 2022-2023 jyldary Qazaqstan ekonomıkasyna quıylatyn tikeleı shetel ınvestıtsııasynyń kólemi artady. Bul týraly QR Syrtqy ister mınıstriniń orynbasary Almas Aıdarov málim etti, dep habarlaıdy QazAqparat tilshisi.

«Bizdiń boljamymyzsha, tikeleı shetel ınvestıtsııasynyń quıylý qarqynynyń pandemııaǵa deıingi deńgeıge oralýy 2022-2023 jyldardyń túıisinde oryn alady. Statıstıkaǵa sáıkes, 2020 jylǵy tikeleı shetel ınvestıtsııasynyń 90 paıyzy 14 elge tıesili boldy. Olar: Eýropalyq odaq elderi, AQSh, Ulybrıtanııa, Reseı, Qytaı, Ońtústik Koreıa, Túrkııa, Birikken Arab Ámirlikteri. Al ózge elderge tikeleı shetel ınvestıtsııanyń qalǵan bóligi tıesili», - dedi ol ortalyq kommýnıkatsııalar qyzmetindegi baspasóz máslıhaty barysynda.

Onyń atap ótýinshe, osyǵan oraı elimizdiń Syrtqy ister mınıstrligi dıplomatııalyq ókildikterimiz bar elderdiń ınvestıtsııalyq áleýetin paıdalanýǵa baǵyttalǵan qarqyndy jumysty qolǵa almaq.