Qazaqstan ekonomıkasy úshin dollardyń ońtaıly baǵamy qandaı

NUR-SULTAN. QazAqparat - Ekonomıst Baýyrjan Isabekov qazaqstandyq ekonomıka úshin dollarǵa qatysty teńgeniń eń qolaıly baǵamyn atady, dep habarlaıdy QazAqparat tilshisi.

«Qazirgi kezeńde ekonomıkamyz úshin eń qolaıly, ońtaıly jáne teńdestirilgen baǵam 1 dollarǵa 450-470 teńgege deıingi baǵam sanalady. Óıtkeni bul eksporttaýshylar men ımporttaýshylar, sondaı-aq iri, orta jáne shaǵyn bıznes sýbektileri úshin tıimdi», - dedi Baýyrjan Isabekov QazAqparat tilshisine telefon arqyly bergen suhbatynda.

Onyń aıtýynsha, bul belgilengen baǵamdy eki jaǵdaıda qoldanýǵa bolady. Atap aıtqanda, birinshiden, KSRO-da Stalın bıligi kezindegideı (altyn rýbl) nemese Úkimet ulttyq valıýtanyń kez kelgen baǵamyn tóleı alatyn Parsy shyǵanaǵyndaǵy birqatar arab elderindegideı altyn-valıýta rezervteriniń úlken kólemi bolýy kerek. Ekinshiden, tutyný naryǵynyń ornyna óndiristik taýarlar naryǵy bolýy tıis.

«Aıtpaqshy, ulttyq valıýtanyń dollarǵa qatysty qazirgi baǵamy jáne ekonomıkanyń jaı-kúıi shaǵyn jáne orta bıznes sýbektileri úshin óte qaýipti. Sondaı-aq, aqsha-kredıt saıasatyn ońtaılandyrý maqsatynda halyqty da, valıýtany satyp alýshylardy da, satýshylardy da habardar etý úshin aqparattyq jumys júrgizý qajet. Ulttyq bank pen QR Úkimeti deńgeıinde valıýta naryǵyna qatysýshylardyń alypsatarlyǵyn boldyrmaý boıynsha ozyq sharalar qabyldaý qajet», - dedi sarapshy.