Qazaqstan ekonomıkany ártaraptandyrýdy der kezinde qolǵa alǵan memleket - Aleksandr Idırısov
Brıfıng «Nurly Jol - bolashaqqa bastar jol» Joldaýy aıasyndaǵy ónerkásiptik saıasat týraly órbigen bolatyn.
«Halyqaralyq sarapshylar qazirgi tańda daǵdarystyń negizgi úsh táýekelin alǵa tartady. Bular, birinshiden, Eýropadaǵy ekonomıkanyń shabandaýy, daǵdarys áli de jalǵasýda. Ekinshiden, Ýkraına tóńiregindegi geosaıasattyń ýshyǵýy. Úshinshisi - Qytaı ekonomıkasynyń baıaýlaýy. Osy úsh faktor álemdik ekonomıkaǵa tikeleı áser etip, aldaǵy ýaqyttaǵy damý dóńgelegin kúrdeli ete túsedi», - deıdi A. Idırısov.
Sarapshynyń sózine qaraǵanda, álemdik naryqta munaı baǵasynyń quldyraýy Qazaqstan úshin de basty másele bolyp tabylady. Al munaıǵa baǵanyń tómendeýi basqa da shıkizat taýarlaryna, sonyń ishinde metalǵa baǵanyń tómendeýine áser etýi yqtımal. «ıAǵnı, aldaǵy kútiletin kezeń sonshalyqty jaıly emes. Bul rette osydan tórt jyl buryn Qazaqstannyń ekonomıkany ártaraptandyrý týraly ustanǵan joly óziniń durystyǵyn dáleldep otyr. Jalpy, ındýstrııalandyrý taqyrybyn búkil álem umyta bastaǵan bolatyn. Onyń durys emes ekenin búgin sezetindeımiz. Al Qazaqstan kerisinshe, osy ustanymnyń pıonerine aınalyp shyqty», - dedi A. Idırısov.
Budan bólek, reseılik sarapshy Qazaqstan ótken daǵdarysty jyldary eshqandaı da jumys oryndaryn joǵaltpaǵanyn, kerisinshe 120 myńnan astam jańa jumys oryndaryn asha alǵanyn da atap ótti.