Qazaqstan ekonomıkany qoldaý úshin 105 mlrd ıen alatyn boldy

<p>ASTANA. KAZINFORM &ndash; Parlament Májilisiniń qaraýyna &laquo;Qazaqstan men Azııa Damý Banki arasyndaǵy qaryz týraly kelisimdi ratıfıkatsııalaý týraly&raquo; zań jobasy jáne &laquo;Qazaqstan men Azııa Infraqurylymdyq Investıtsııalar Banki arasyndaǵy qaryz týraly kelisimdi ratıfıkatsııalaý týraly&raquo; zań jobasy kelip tústi. Osy eki qujat boıynsha jalpy qaryz kólemi 105 mlrd ıendi quraıdy.</p>

Májilistiń Qarjy jáne bıýdjet komıtetiniń tóraıymy, depýtat Tatıana Savelevanyń aıtýynsha, birinshi zań jobasy 2024 jylǵy 23 qazanda Parlament Májilisine Úkimettiń qaýlysymen engizildi.

«Qaryz týraly kelisimge 2024 jylǵy 21 tamyzda Astana qalasynda qol qoıyldy. Azııa Damý Banki qaryzy Qazaqstanǵa 52,3 mlrd ıen somasynda usynylady. Qaryzdy jabý merzimi 15 jylǵa eseptelgen, onyń ishinde jeńildikti kezeń 2027 jyldyń 1 maýsymyna deıin jalǵasady. Qaryz qarajaty josparly kezeńge arnalǵan respýblıkalyq bıýdjet tapshylyǵynyń bekitilgen kólemi sheginde el ekonomıkasynyń turaqtylyǵyn qoldaý úshin tartylady. Sondyqtan Qarjy jáne bıýdjet komıteti bul zań jobasy boıynsha qorytyndy ázirleýge daıyn», - dedi depýtat Májilistiń jalpy otyrysynda.

Al ekinshi qujat ta 2023 jylǵy 23 qazanda Parlament Májilisine Úkimettiń qaýlysymen engizildi. Qaryz týraly kelisimge 2024 jylǵy 21 tamyzda Astanada qol qoıyldy.

«Bul turǵyda Azııa Infraqurylymdyq Investıtsııalar Bankiniń qaryzy Qazaqstanǵa 52,7 mlrd ıen somasynda beriledi. Ony óteý merzimi 15 jylǵa jalǵasady. Atap aıtqanda, bul qarajat josparly kezeńge arnalǵan respýblıkalyq bıýdjet tapshylyǵynyń tıisti kólemi aıasynda ekonomıka turaqtylyǵyn qoldaý úshin tartylady», - dedi Tatıana Saveleva.