Qazaqstan EQYU-ny nyǵaıtýǵa úles qosýǵa daıyn – Murat Nurtileý

<p>Qazaqstan Eýropadaǵy qaýipsizdik jáne yntymaqtastyq uıymyn (EQYU) nyǵaıtýǵa úles qosýǵa daıyn. Bul týraly &laquo;Ortalyq Azııa &ndash; EQYU&raquo; Syrtqy ister mınıstrleriniń forýmynda Premer-Mınıstrdiń orynbasary &ndash; Syrtqy ister mınıstri Murat Nurtileý aıtty, dep habarlaıdy Kazinform tilshisi <a href="https://kaz.inform.kz/" target="_blank" rel="noopener">Ashhabadtan.</a></p>

«Búginde oryn alyp otyrǵan syn-tegeýrinder shartty túrde álemdegi barlyq ultqa qatysty. Qazaqstanǵa qatysty aıtar bolsaq, biz teńgerimdi, vektorly qyzmetti júzege asyrýǵa tyrysamyz. Árıne, BUU hartııasyn da, ulttyq zańnamany da ustanatyndyǵymyz sózsiz. 5 jyl buryn «ujymdyq, jan-jaqty, baqylanatyn qaýipsizdik» dep atalatyn biregeı júıeni qabyldadyq. Búginde esh shekteýsiz ortaq maqsattarymyzdy aıta alamyn. EQYU qazirgi ýaqytta osynaý syn-tegeýrinderdi sheshýde barynsha mańyzdy, senimdi seriktesimizge aınalyp otyr. Barlyq ulttyń maqsaty men bizdiń mindettemelerimizdiń barshasy bostandyqtyń irgeli ustanymdaryna negizdelgen. Osy turǵydan alǵanda Qazaqstan Eýrazııalyq óńirde óziniń mańyzdy úlesin qosyp keledi. Ortalyq Azııa EQYU-ymen yntymaqtastyqta qaýipsizdiktiń nyǵaıýyn qamtamasyz etýde mańyzdy rólge ıe ekendigine senimdimin. Ortalyq Azııa men Azııa óńiri EQYU-men jáne múshe memlekettermen birlese otyryp, kópdeńgeıli qaýipsizdik strategııasyn ázirledi», – dedi Murat Nurtileý forým barysynda.

QR SІM basshysynyń aıtýynsha, atalǵan qujatta Ortalyq Azııa elderiniń shekarasyn qorǵaý, saýda-sattyqty jandandyrý, energetıka qaýipsizdigi, demokratııa men adam quqyqtaryn damytý máseleleri qarastyrylǵan.

«Qazaqstan EQYU-ny nyǵaıtýǵa óz úlesin qosýǵa, is basyndaǵy tóraǵaǵa odan ári járdem berýge daıyn ekendigin rastaıdy. EQYU ózge uıymdardyń aldynda, eń aldymen, ymyra negizinde sheshim qabyldaýdaǵy biregeı ádisimen naqty basymdyqqa ıe. Mundaı ádis barlyq qatysýshy memlekettiń teńdigine kepildik beredi. Bul bizdiń uıymymyzdy qazirgi zamanǵy problemalardy sheshýde túrli kózqarastardy bildiretin jáne biriktiretin biregeı eýrazııalyq qurylymǵa aınaldyrady», – dedi mınıstr.

Eske salaıyq, QR Premer-Mınıstriniń orynbasary – Syrtqy ister mınıstri Murat Nurtileý túrikmenstandyq áriptesiniń shaqyrýymen Ashhabadqa resmı saparmen barǵanyn jazǵan bolatynbyz.

M.Nurtileý Túrikmenstan Mınıstrler kabıneti tóraǵasynyń orynbasary, Syrtqy ister mınıstri Rashıd Meredov óńirlik jáne halyqaralyq kún tártibindegi ózekti máseleler boıynsha «saǵattaryn teńestirdi».